Эътиборга мухтож болалар холидан хабар олинди

Дастлаб Фарғона “Мурувват” ногиронлиги бўлган болалар учун интернат уйига ташриф буюрилди. Имконияти чекланган болалар учун  Фарғона футбол ассоциацияси томонидан спорт либослари ва эсдалик совғалари тақдим этилди.

Навбатдаги ташриф Марғилон шаҳридаги Меҳрибонлик уйига йўналтирилди. Муассаса тарбияланувчиларига ҳам футбол тўплари ҳамда спорт либослари совға қилинди. Шунингдек болалар билан мулоқатга киришган ассоциациянинг биринчи вице-президенти Расулжон Юлдашев яқин орада улар учун катта футбол мусобақалари ташкиллаш ҳамда меҳрибонлик уйи учун янги замонавий футбол майдони қурилиши режада борлигини маълум қилди.