Эшитдик-да: Тожиев 2007, Мирзааҳмедов 2008 йилда туғилган футболчилардан иборат терма жамоаларга бош мураббий бўлади

2022 йил яна икки терма жамоамизга асос солинади. 2007 йилда таваллуд топган футболчилардан иборат терма жамоага 3 йилдан бери "Одил Аҳмедов" ФАда муваффақиятли ишлаб келаётган Зайниддин Тожиев бош мураббий бўлса, 2008 йилда туғилган ўйинчилар термасини бир неча йил давомида ёшлар терма жамоаларида ишлаган ва айни пайтда "Бунёдкор" жамоасида фаолият юритаётган Миразиз Мирзааҳмедов бошқаради.

Эслатиб ўтамиз, 2005 ва 2006 йиллар терма жамоаси устози бўлган Сервер Жепаров ҳозир бу постни тарк этган. Айни пайтда 2006 йиллар бош мураббийи ўрни бўш. Бу вазиятга ойдинлик киритар экан, Равшан Эрматов бир мураббий икки ёш тоифасида фаолият олиб боришда қийинчиликка учраганини таъкидлаб ўтганди.

2005 йилларга Рауф Инилеев бош мураббий этиб тайинланган.