Эшитдик-да! Самвел Бабаян "Навбаҳор"ни тарк этди

Бироз аввал телеграм каналимизда "Навбаҳор" клуби бош мураббийи Самвел Бабаян истеъфога чиққани борасида хабар бергандик. Championat.asia нашрининг Намангандаги манбалари "Навбаҳор" клуби бош мураббийи Самвел Бабаян "Навбаҳор"ни тарк этганини тасдиқлади. Маълумот учун, Самвел Бабаяннинг "Навбаҳор" билан шартномаси 2025 йилга қадар мўлжалланганди.

Бундан бир неча кун аввал Самвел Бабаян бошчилигидаги "Навбаҳор" "Андижон"га қарши ўйинда йирик мағлубиятни (0:3) қабул қилиб олганди. Айни дамда "Навбаҳор" Суперлига жадвалида 19 очко билан бешинчи ўринда бормоқда.

Эслатиб ўтамиз, Бабаян 2021 йилнинг 27 ноябрида "Навбаҳор" бош мураббийи этиб тайинланган эди. Унинг бундан олдинги иш жойи Хитойнинг "Чангчун Ятай" клуби бўлганди.