Эшитдик-да! "Қўқон-1912" Бубаньяга қизиқмоқда
21 jan 2021 12:18
News

Эшитдик-да! "Қўқон-1912" Бубаньяга қизиқмоқда

Суперлига клублари янги мавсумга тайёргарлик кўриш билан бирга таркибни кучайтиришда ҳам фаол бўлишга интилишмоқда.

Бугунги кунда Тошкентда йиғин ўтказаётган "Қўқон-1912" клуби ўзбек футболига бегона бўлмаган легионерни таркибга қўшиб олиши мумкин.

"Championat.asia" сайтига маълум бўлишича, қўқонликлар сербиялик футболчи Владимир Бубаньяга қизиқишмоқда. Томонлар келиша олишса марказий ҳимоячи янги мавсумни Бахтиёр Ашурматов қўл остида ўтказиши мумкин.

Бубанья ўтган мавсум "Сурхон" таркибида биринчи даврада 7та ўйинда майдонга тушган.

Эслатиб ўтамиз, сербиялик ҳимоячи 2018 йил айнан Бахтиёр Ашурматов бошқарган АГМК жамоасида тўп тепган ва Ўзбекистон кубогида ғолиб чиққан.