Эшитдик-да! "Пахтакор" жамоаси "Сурхон" етакчиларидан бирига қизиқмоқда

4 декабрь куни янги мураббийни оммага таништирган "Пахтакор" жамоаси ҳам секин-аста трансферларга қўл уришни бошлади. "Championat.asia" олган маълумотга кўра, "шерлар" "Сурхон" жамоаси етакчиларидан бири, ўнг қанот ҳимоячиси Суннатилла Ҳамиджоновга қизиқиш билдиришмоқда. Ҳамиджонов ортда қолган мавсум ПФЛнинг рамзий терма жамоасидан жой олган эди.

Эслатиб ўтамиз, Суннатилла Ҳамиджонов 2024 йил "Сурхон" сафида барча мусобақаларда 23 та ўйинда майдонга тушди ва 4 та гол уриб, 4 та голли узатмани амалга оширди.