Эшитдик-да! "Нефтчи" футболчиси "Бунёдкор"га ўтмоқда
08 jan 2025 18:39
News

Эшитдик-да! "Нефтчи" футболчиси "Бунёдкор"га ўтмоқда

Ўзбек клублари янги мавсум учун таркибни шакллантириш ишларини давом эттиришмоқда.

"Championat.asia" олган маълумотга кўра, "Нефтчи" ҳужумчиси Азизбек Амонов фаолиятини "Бунёдкор"да давом эттиради. Футболчи "қалдирғочлар" билан келишувга эришган. Бизга маълум бўлишича, Амонов "Бунёдкор"нинг бугунги машғулотида ҳам иштирок этган.

Эслатиб ўтамиз, 27 ёшли Амонов ўтган мавсум "Нефтчи" таркибида 12 ўйинда 2 та тўп киритган ва 1 та голга ассистентлик қилганди. Transfermarkt портали уни 600 минг еврога баҳолаган.