Эшитдик-да: "Навбаҳор" яна бир супер трансфер остонасида!
29 jan 2022 20:20
News

Эшитдик-да: "Навбаҳор" яна бир супер трансфер остонасида!

Намангандан етиб келган тезкор маълумотларга кўра, "Пахтакор" сафида шуғулланаётган ва ҳозирча шартнома имзолашга улгурмаган Сардор Рашидовнинг хизматларига "Навбаҳор" жамоаси жиддий қизиқмоқда.

Жамоа бош мураббийи Самвел Бабаян Сардор Рашидовни "Навбаҳор" таркибига жалб этишга қаттиқ бел боғлаган.

Эшитишимизга қараганда, "Навбаҳор" Рашидовни Суперлигадаги энг катта маош олувчи футболчига айлантирадиган қулай шартнома таклиф этмоқда. Рашидов эса 1 ойдан буён ушбу таклифни кўриб чиқиш жараёнида ва катта эҳтимол наманганликларнинг таклифига футболчи жамоа Туркия йиғинига кетиши олдидан жавоб бериши кутилмоқда.

Айни пайтда эркин агент мақомидаги Сардор Рашидов олдида иккита аниқ таклиф турибди: "Пахтакор" ва "Навбаҳор".

Тез орада футболчи якуний қарорга келади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +23