Эшитдик-да! "Насаф" - "Пахтакор" ўйини қолдирилиши мумкин

Бу ҳақда 19 октябрь куни сайтимиз орқали хабар берган эдик.

4 ва 5 ноябрь кунлари Coca Cola Суперлигасининг 24-тур учрашувлари ўтказилиши режалаштирилган. Олган маълумотларимизга кўра, ЎФА миллий терма жамоанинг йиғини сабаб 5 ноябрь кунига мўлжалланган "Насаф" - "Пахтакор" ўйинини бошқа санага қолдириш илтимоси билан ҳар икки клуб раҳбариятига мурожаат қилган. Ҳозирча, "Насаф" ва "Пахтакор" клублари бу илтимосга қандай жавоб қатаришгани аниқ эмас. Лекин, ўртада МТЖ манфаати турганини ҳисобга олсак катта эҳтимол билан учрашув қолдирилиши мумкин.

Мураббийлар бўлажак ўйинларга тайёргарлик кўриш мақсадида футболчиларни йиғинга эртароқ чақиришмоқчи.

Эслатиб ўтамиз, Ўзбекистон терма жамоаси ЖЧ-2022 саралаши иккинчи босқичи доирасидаги навбатдаги ўйинларни 14 ноябрда Саудия Арабистонига, 19 ноябрда эса Фаластинга қарши ўтказади.