Эшитдик-да! "Насаф" Абдухолиқов ва Черанга қизиқмоқда
06 dec 2021 15:32
News

Эшитдик-да! "Насаф" Абдухолиқов ва Черанга қизиқмоқда

Ўзбекистон кубоги соҳиби Қаршининг "Насаф" клуби янги мавсумдан олдин ўз таркибини кучайтирмоқчи.

Championat.asia сайти хабарига кўра, "Аждарлар" "Локомотив" ҳужумчиси Темурхўжа Абдухолиқов ва "Пахтакор" тўпурари Драган Черанга қизиқишмоқда.

Хабарингиз бор, Драган Чераннинг "Пахтакор" билан яна бир йиллик шартномаси бор. Бироқ молиявий ҳолат туфайли клуб катта эҳтимол билан сербиялик футболчининг кетишига қаршилик қилмайди. Агар Черан "Насаф" билан келишувга эришса, 2022 йилги мавсумни Ўзбекистон Суперкубоги доирасида "Пахтакор"га қарши баҳс билан бошлаши мумкин.

Эслатиб ўтамиз, сербиялик футболчи "Пахтакор"да йилига 325 минг доллар маош олади.

Абдухолиқов 2021 йилги мавсумда Суперлигада 14та, Черан эса 16та гол урди.