Эшитдик-да! Ҳамробеков ва Ҳамдамов "Пахтакор"га қайтди
23 jul 2021 17:51
News

Эшитдик-да! Ҳамробеков ва Ҳамдамов "Пахтакор"га қайтди

Айни пайтда Coca Cola Суперлигада танаффус юзага келган ва трансферлар ойнаси очиқ.

Мамлакатимизнинг амалдаги чемпиони "Пахтакор" таркибда яхшигина кучайишни амалга оширди. Жамоанинг собиқ ўйинчилари Одил Ҳамробеков ҳамда Достонбек Ҳамдамов "шерлар" сафига қайтишди. "Championat.asia" сайти манбаларининг хабар беришича, уларнинг ҳар иккиси "Пахтакор" билан 1 ярим йиллик шартномага имзо чекишган.

Одил Ҳамробеков шу йилнинг 5 март санасида БААнинг "Шабаб Ал Аҳли" клубига ўтганди. Амирликлар билан мавсум охиригача шартнома имзолаган Ҳамробеков у ерда ҳамюртларимиз Жалолиддин Машарипов ва Азизжон Ғаниевлар билан бирга БАА Лига кубогини қўлга киритди.

Достонбек Ҳамдамов эса БААнинг "Ал Наср" клубига ўтди, у ердан эса амирликларнинг бошқа бир жамоаси "Хатта"га ижарага берилди ва мавсумни "Хатта"да ўтказди.