Эшитдик-да! Эдгар Гесс “Андижон”га қайтмоқда

Жамоа бош директори лавозимига Шуҳратбек Ўринбоев келгач айрим ходимларни ҳам ўзгариши таҳмин қилинмоқда. Энг аввало бош мураббий ўзгариши кутилмоқда. Бу борада янги раҳбар Эдгар Гесс билан музокара ўтказаётгани ҳақида норасмий маълумотлар бор. Яқин-яқингача “Бухоро”ни бошқариб келган Эдгар Яковлевичнинг шу кунларда Андижонга ташриф буюриши кутилмоқда. 

Айтиш мумкинки, Гесс учун бу жамоа бегона эмас. Боиси 60 ёшли мутахассис илгари ҳам “бургутлар”ни бошқарганди. 2006 йилнинг иккинчи ярмида жамоа бошқарув постига олиб келинган Гесс 2007 йили биринчи даврадан сўнг клубни тарк этганди. Ўша кезларда жамоа раҳбариятида Ўринбоев фаолият юритганини эслаб ўтиш лозим. Афтидан Ўринбоев ва Гесснинг йўллари яна кесишадиган кўринади.