Эрве Ренарнинг ўрнини Япония термаси собиқ устози эгаллади
15 aug 2019 22:25
News

Эрве Ренарнинг ўрнини Япония термаси собиқ устози эгаллади

Босниялик мутахассис Воҳид Ҳалилхожич Марокаш терма жамоасига янги бош мураббий этиб тайинланди.

У франциялик мутахассис Эрве Ренарнинг ўрнини эгаллади. Ўз навбатида Ренар Марокаш футбол федерацияси томонидан истеъфога чиқарилганидан сўнг, Саудия Арабистони терма жамоасининг бошқарувига келганди.

Аввалроқ, Ҳалилхожич Осиёда Япониянинг бош жамоасида (2015-2018) фаолият олиб борган бўлиб, унинг сўнгги иш жойи «Нант» бўлди. 66 ёшли мутахассис раҳбарият билан трансферлар борасида тил топиша олмагани учун клубни тарк этгани маълум қилинмоқда.