Эрон терма жамоаси декабрда Кот-Д'Ивуар билан ўйнайди
25 nov 2016 14:01
News

Эрон терма жамоаси декабрда Кот-Д'Ивуар билан ўйнайди

Ўзбекистон терма жамоасининг ЖЧ-2018 саралаши доирасидаги гуруҳдоши Эрон декабрь ойида БААда йиғин ўтказади.

Карлуш Кейруш шогирдлари Дубай шаҳридаги йиғин доирасида Африка терма жамоаси билан ўртоқлик учрашуви ўтказади. Бу ҳақда persianfootball.com хабар берди. Дастлаб форслар Марокаш билан келишиб олишганди, бироқ бу жамоа устози Эрве Ренар фикрини ўзгартирди. Марокаш Тунис билан ўйнашга қарор қилди.

Эрон эса айнан Дубайда Африка миллатлар кубогига тайёргарлик кўрадиган Кот-Д'Ивуар миллий терма жамоаси билан ўртоқлик учрашуви ўтказадиган бўлди. Ҳозирча ўйин санаси маълум эмас.

Кот-Д'Ивуар 14 январдан 5 февралга қадар Габон давлатида бўлиб ўтадиган Африка миллатлар кубогида иштирок этади.

Эрон терма жамоаси ЖЧ-2018 саралаши учинчи босқичи "A" гуруҳида 11 очко билан биринчи ўринда турибди. Жамоа 23 март куни сафарда қатар билан ўйнайди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +9