Эрон нега кеча ўйнади?

Аммо муддатидан аввал Осиё чемпионати йўлланмасини нақд қилиб қўйган Эрон термаси охирги тур баҳсини кеча ўтказди. Савол туғилади: нима учун эронликлар эртага бўлиб ўтиши керак бўлган ўйинни кеча ўтказишди?

Бунинг жавоби шундаки, Эрон термаси эртага Теҳрондаги “Озоди” стадионида Гвинея терма жамоасига қарши ўртоқлик учрашувини ўтказади. 2 ва 5 март тақвимда ФИФА кунлари сифатида кўрсатиб ўтилган. Шу боис Эрон ОФКга мурожаат қилиб, Қувайтга қарши баҳсни 3 мартга кўчиришни сўради. Вазият билан яқиндан танишиб чиққан ОФК бунга кўнди ва ўйинни бошқа кунга кўчирди. Ўз навбатида Қувайт футбол федерациясининг ҳам розилиги олинди.

Маълумки, Эрон ҳам, Қувайт ҳам Осиё чемпионати йўлланмасини ҳал қилиб бўлган. Шу сабаб ўйинни кўчириш унчалик қийинчилик туғдирмаган бўлса керак.  Шундай қилиб саралашнинг “B” гуруҳида эртага фақат битта ўйин ўтказилади, қолган гуруҳларда эса иккитадан.

Осиё Кубоги-2015 саралаш босқичи. Эртанги ўйинлар тақвими:

“А” гуруҳи
Уммон – Сингапур
Иордания – Сурия

“B” гуруҳи
Таиланд – Ливан

“C” гуруҳи
Ироқ – Хитой
С.Арабистони – Индонезия

“D” гуруҳи
Яман – Малайзия
Қатар – Баҳрайн

“Е” гуруҳи
Ўзбекистон – БАА
Вьетнам – Гонконг