Эрон клуби "Насаф" ҳимоячисига қизиқиш билдирмоқда
28 jun 13:08
News

Эрон клуби "Насаф" ҳимоячисига қизиқиш билдирмоқда

Эроннинг "Тракторсози" клуби янги мавсум олдидан ўз таркибини жиддий равишда кучайтирмоқчи.

Яқиндагина Эрон терма жамоаси асосий дарвозабони Алиризо Бейранванд "Тракторсози"га ўтиши ҳақида хабарлар чиққанди.

Championat.asia сайти маълумотига кўра, Табриз клуби Ўзбекистон миллий терма жамоаси ва Қаршининг "Насаф" клуби ҳимоячиси Шерзод Насруллаевга қизиқиш билдирмоқда.

Маълумот учун, Насруллаев бу мавсум "Насаф" таркибида барча мусобақаларда 14 та ўйинда майдонга тушди ва 3 та голли пас берди. Ўзбекистон терма жамоасида бугунга қадар 20 та ўйинда майдонга тушди ва 2 та гол урди.

"Тракторсози"га тез орада Зинедин Зиданнинг "Реал Мадрид"даги ёрдамчиси Давид Беттони бош мураббий бўлиши кутилмоқда.