Эрон чемпионати, 18-тур. Ўзбек дербисида дўстлик ғалаба қозонди
02 feb 2016 20:20
News

Эрон чемпионати, 18-тур. Ўзбек дербисида дўстлик ғалаба қозонди

Эрон чемпионатининг 18-тури доирасида ҳамюртларимиз тўп сурадиган "Персеполис" ҳамда "Сепахон" жамоалари ўзаро тўқнаш келишди.

"Персеполис" - "Сепахон" учрашувининг биринчи бўлими тугади. Ҳозирча ҳисоб 0:1, меҳмонлар фойдасига. "Сепахон"нинг ягона бўлиб турган голини ҳамюртимиз Фозил Мусаев Александр Лобанов қўриқлаётган дарвозасига йўллади.

Учрашувнинг 50-дақиқасида Али Алипоургхара "Сепахон" дарвозасига тўп киритиб, мувозанатни тиклаганди. Бироқ орадан кўп вақт ўтмай Перейра "Сепахон"ни яна ҳисобда олдинга олиб чиқди - 1:2.

Ўз майдонида ҳаракат қилаётган "Персеполис" жамоаси ҳужумга зўр берди ва баҳснинг 74-дақиқасида Камябиниа "Сепахон" дарвозасига йўл топа олди - 2:2.

Шу тариқа учрашув бошқа голлар киритилмади ва жамоалар муроса кўчасини танлашди.