Эрматов ЖЧ ўйинларини бошқариш бўйича рекорд ўрнатди!
06 jul 2014 09:45
News

Эрматов ЖЧ ўйинларини бошқариш бўйича рекорд ўрнатди!

ЖЧ-2014 чорак финали доирасидаги Голландия – Коста-Рика (0:0, пен. бўйича 4:3) учрашувини бошқарган ҳамюртимиз Равшан Эрматов жаҳон чемпионати ўйинларида ҳакамлик қилиш бўйича рекорд ўрнатди.

Бугун тунда ўтказилган ўйин 36 яшар Эрматов учун ЖЧлардаги тўққизинчи учрашув бўлди. Бразилияда давом этаётган мундиалда ҳамютимиз ҳозирча 4 та ўйинни бошқаришга улгурди. Тўрт йил аввал ЖАРда бўлиб ўтган жаҳон чемпионатида эса Эрматов 5 та учрашувда ҳакамлик қилганди.

Бундан аввалги рекорд (8 та ўйин) бир йўла уч нафар рефери – Жоэль Кинью (Франция, ЖЧ-1994), Бенито Арчундия (Мексика, ЖЧ-2010) ва Хорхе Ларрионда (Уругвай, ЧМ-2010)га тегишли эди.

Умид қиламизки, Равшан Эрматов ва унинг бригадаси ҳали ҳеч бўлмаганда, ЖЧ-2014нинг финал учрашувини бошқаради.

Link :

Source : olamsport.com

Receive latest football news directly on your phone. Subscribe for our Telegram channel!

Rating: