Эрматов ҳамда Коваленко бригадаси ОК-2015 баҳсларини бошқаради
23 sep 2014 15:42
News

Эрматов ҳамда Коваленко бригадаси ОК-2015 баҳсларини бошқаради

Осиё Футбол Конфедерацияси келаси йилнинг январь ойида Австралияда ўтказиладиган Осиё Кубоги баҳсларида иштирок этадиган расмийлар ва ҳакамлар номини эълон қилди.

Эътиборлиси, унда бир эмас, икки нафар ўзбекистонлик ҳакамлар бригадаси ОК-2015 финал босқичи ўйинларини бошқариб бориш учун ОФКдан таклиф олган. Унга кўра, Осиё Кубоги баҳсларида Ўзбекистондан икки нафар бригада - Равшан Эрматов ҳамда Валентин Коваленко бошчилигидаги ҳакамлар бригадаси ишлайди.

Равшан Эрматов ўз ёрдамчилари, Абдуҳамидилло Расулов (Ўзбекистон) ҳамда Баҳодир Қўчқоровлар (Қирғизистон) билан ОК баҳсларида ҳакамлик қилса, Коваленкога қанотларда ФИФА лайнсменлари Жаҳонгир Саидов (Ўзбекистон) ва Маъмур Саидқосимовлар (Ўзбекистон) ёрдам беришади.

Таъкидлаш жоиз, Ўзбекистон бир йўла иккита ҳакамлар бригадаси билан Осиё Кубоги баҳсларида ишлайдиган ОФКнинг ягона вакили ҳисобланади.

Қўшимча ўрнида, Ўзбекистондан яна бир вакил - Фарҳод Абдуллаев ОК баҳсларида назоратчи ҳакам сифатида ишлайди.

ОК-2015 баҳсларида ишлайдиган ўзбекистонлик ҳакамлар бригадаси ва назоратчилар рўйхати.

Рефери - Равшан Эрматов.
Рефери ассистентлари - Абдуҳамидилло Расулов (Ўзбекистон), Баҳодир Қўчқоров (Қирғизистон).

Рефери - Валентин Коваленко (Ўзбекистон).
Рефери ассистентлари - Жаҳонгир Саидов (Ўзбекистон), Маъмур Саидқосимов (Ўзбекистон).

Назоратчи ҳакам - Фарҳод Абдуллаев (Ўзбекистон).

Link :

Source : the-uff.com

Receive latest football news directly on your phone. Subscribe for our Telegram channel!

Rating: