Эрматов бригадаси U-19 ёшлар ўртасидаги ОЧ баҳсларида ишлайди
30 jul 2014 18:05
News

Эрматов бригадаси U-19 ёшлар ўртасидаги ОЧ баҳсларида ишлайди

Ўзбекистонлик ФИФА рефериси Равшан Эрматов ва ФИФА лайнсмени Абдуҳамидилло Расулов шу йилнинг 9-23 октябрь кунлари Мьянмада бўлиб ўтадиган U-19 ёшлар ўртасидаги Осиё Чемпионати баҳсларида ҳакамлик қилишади.

Осиё Футбол Конфедерацияси октябрь ойида Мьянма мамлакати мезбонлик қиладиган U-19 ёшлар ўртасидаги Осиё Чемпионати финал босқичи баҳсларида ишлайдиган ҳакамларни тасдиқлади. Унга кўра, ўзбекистонлик ФИФА рефериси Равшан Эрматов мазкур мусобақа ўйинларини бошқариб борадиган ҳакамлар қаторидан жой олди. Эрматовга мусобақа давомида қанотда ўзбекистонлик ФИФА лайнсмени Абдуҳамиддило Расулов ёрдам беради. Эрматовга қанотда ёрдам берадиган иккинчи лайнсмен номини ОФК мусобақа арафасида тасдиқлайди.

Таъкидлаш жоиз, мазкур мусобақада ўзбекистонлик яна бир ҳакам - ОФК назоратчиси Фарҳод Абдуллаев ҳам иштирок этади. Фарҳод Абдуллаев Осиё Чемпионатида назоратчи ҳакам вазифасини бажаради.

Эслатиб ўтамиз, Мьанмадаги Осиё Чемпионати баҳсларида Равшан Ҳайдаров бош мураббийлигидаги Ўзбекистон U-19 ёшлар терма жамоаси ҳам иштирок этади. Ўзбекистон U-19 ёшлари мусобақанинг «В» гуруҳида Индонезия, БАА ва Австралия ёшларига қарши баҳс олиб боради.

Link :

Source : the-uff.com

Receive latest football news directly on your phone. Subscribe for our Telegram channel!

Rating: