Эрик Геретц ишдан бўшагани йўқ
15 apr 2014 14:32
News

Эрик Геретц ишдан бўшагани йўқ

Бугун Россиянинг футболга оид баъзи сайтларида Қатарнинг “Лахвия” клуби бош мураббийи Эрик Геретц ишдан кетгани тўғрисида хабарлар чиқди.

Лекин бизга маълум бўлишича, бельгиялик мураббий ишдан бўшагани йўқ.

Хабарингиз бор, бугун Осиё чемпионлар лигасининг 5-тур баҳсларига старт берилади. “Лахвия” бу турни ўз майдонида “Ал Айн”га қарши ўтказади. Кеча бўлиб ўтган ўйинолди матбуот анжуманида шахсан Геретцнинг ўзи иштирок этди ва бўлажак баҳс хусусида ўз фикрларини билдирди.

Тўғри, айни пайтда “Лахвия”нинг ОЧЛдаги ишлари ҳеч юришмаяпти. Жамоа тўртта ўйиндан сўнг тўрт очко жамғарган ҳолда охирги ўринда боряпти. Аммо яқинда бу клуб Қатар чемпионлигини қўлга киритди. Иккинчи ўринни эса “Бунёдкор”нинг гуруҳдоши “Ал Жаиш” эгаллади. Эслатиб ўтамиз, Эрик Геретц тўрт йилдан бери “Лахвия”ни бошқариб келяпти ва жамоага учинчи марта чемпионликни олиб берди.

Link :

Source : championat.asia

Receive latest football news directly on your phone. Subscribe for our Telegram channel!

Rating: