Энрике клублар ўртасидаги ЖЧ ярим финали олдидан: "Реал"ни таҳлил қилиш қийин – тактик жиҳатдан бу янги жамоа"

9 июль куни ПСЖ ва "Реал" клублар ўртасидаги жаҳон чемпионатининг ярим финал ўйинида тўқнашади.

"Бу "Реал"ни таҳлил қилиш қийин. Тактик жиҳатдан Мадрид клуби янги жамоа ва бу билан боғлиқ муаммолар бор. Лекин уларда индивидуал кучли ўйинчилар бор. Менимча, Хаби Алонсо ажойиб жамоа қурмоқчи.

Бу ўзгача баҳс бўлади. "Реал"га қарши ўйин бизнинг турнирда яхши кетаётганимизни англатади. Бизда мотивация кучли.

Ашраф Хакими – шубҳасиз, мен машқ қилдирган энг яхши қанот ҳимоячиларидан бири. Нуну Мендеш ҳам чап қанотда  жаҳон даражасидаги ўйин кўрсатмоқда", – деди ПСЖ бош мураббийи Луис Энрике.