Энрике кимни Испания терма жамоаси тарихидаги энг яхши футболчи деб ҳисоблайди?

Испания терма жамоаси бош мураббийи Луис Энрике терма жамоа тарихидаги энг яхши футболчи номини элон қилди.

"Бизда жуда кўп ажойиб ўйинчилар бўлган, лекин менимча, бу Давид Вилья. У терма жамоа тарихидаги энг яхши тўпурар ҳисобланади. Кўплаб зўр ижрочилар бор эди – Кубала, Рауль, Бутрагеньо, Иньеста ва бошқалар. 2010 йилги жамоадан кимни ўз таркибимга олган бўлардим? Вилья. Уни Мората билан жуфтликда ўйнатардим", – деди мутахассис.

Аввалроқ Энрике Жаҳон чемпионатидан кейин Испания терма жамоасини тарк этиши мумкинлиги ҳақида хабарлар тарқалган эди.