"Эмирейтс"га "Қора Пантера"нинг "синглиси" ташриф буюрди
02 apr 2019 15:45
News

"Эмирейтс"га "Қора Пантера"нинг "синглиси" ташриф буюрди

Кеча, 1 апрель куни "Арсенал" "Ньюкасл"га қарши Англия Премьер-лигасининг 32-тур учрашувини ўтказди.

Баҳсни томоша қилиш учун "Эмирейтс" стадионига "Қора Пантера" фильмидаги бош қаҳрамон Қора Пантеранинг синглиси Шури ролини ижро этган актриса Летиша Райт ташриф буюрди.

"Қора Пантера" фильмидан лавҳа

Летиша Райт "Ньюкасл"га қарши баҳсдан сўнг "Арсенал"нинг "Қора Пантераси" - Пьер-Эмерик Обамейянгдан клуб футболкасини қабул қилиб олди ва футболчи билан бирга суратга тушди.

Эслатиб ўтамиз, Обамейянг "Ренн"га қарши Европа лигаси 1/8 финал жавоб баҳсида "Қора Пантера" ниқоби билан голни нишонлаган эди.