Элёр Орифов: "Аламли мағлубиятга учрадик"

Унда "қалдирғочлар"нинг қўли баланд келди ва биргина Достон Ҳамдамовнинг голи эвазига ғалабага эришди. Ушбу ўйиндан сўнг "Сўғдиёна" ҳимоячиси Элёр Орифов ўйин борасида ўз фикрларини билдирди.

 - Ҳаммани янги чемпионат бошлангани билан табриклайман. Ўйин борасида жуда яхши ўйин бўлди. Асосан ҳимоявий ўйин кўрсатдик. Рақиб жамоа фақатгина тўп назорати бўйича биздан устун бўлди. Бошқа ҳеч жабҳада биздан устунлик қилгани йўқ.

Жамоамиз бу йил ҳам янгидан шаклланаяпти. Ўйинимизга ҳамда бир биримизни ўрганиш учун вақт керак. Жамоадошларимга раҳмат айтаман. Ҳаммалари қўлларидан келганча майдонда ўйнади. Бизни олдинда бундан ҳам қийин ўйинлар кутиб турибди. Бу йилги мавсум ўйинлар жадвали кўрган бўлсаларингиз керак. Мавсум энди бошланди. Ҳали ҳаммаси олдинда. Кейинги ўйинларда яхши натижа кўрсатиб мухлисларимизни албатта хурсанд қиламиз - дейди Орифов. 

Дилдора Холбоева  "Сўғдиёна" матбуоти хизмати