Элдор Шомуродов: "Ҳар бир учрашувда фақатгина уч очко учун ўйнаймиз"

- Оғир ўйин бўлди, аммо уч очкони қўлга киритдик ва энг муҳими шу. Ўйиндан олдин ҳам йигитлар билан гаплашган эдик ва осон ўйин бўлмаслигини билардик. Мақсадимиз уч очкони қўлга киритиш эди ва биз бунга эришдик. Энди хатолар устида ишлаймиз.

- Бугунги учрашувда руҳий томонлама босим бўлмадими?

- Ҳамма учинчи босқич бошланганини билади. Ҳозир хотиржам бўлишимиз ва ҳиссиётларга берилмаслигимиз керак.

- Бугун терма жамоамиз анча прагматик ўйин намойиш этди. Қирғизистонга қарши кейинги учрашувда ҳам шундай кўрамизми?

- Бу учрашувни қандай бошлашимизга боғлиқ. Ўйин қандай кечишидан қатъий назар биз фақатгина уч очко учун ўйнаймиз.

- КХДР бугун қанчалик қаршилик кўрсата олди?

- Ҳамма бу терма жамоа қанчалик интизом билан ўйнашини билади.

- Ўзингиз намойиш этган ўйиндан кўнглингиз тўлдими?

- Гол урмаган ўйинимдан қониқишим нотўғри, лекин уч очкони қўлга киритдик.