"Эл-Класико"дан олдин Кроос: "Уларнинг кўп ўйинини кўра олмадим. Бошқа ишларим бор эди"
12 jan 2022 11:13
News

"Эл-Класико"дан олдин Кроос: "Уларнинг кўп ўйинини кўра олмадим. Бошқа ишларим бор эди"

"Реал" ярим ҳимоячиси Тони Кроос Испания Суперкубоги ярим финали доирасида "Барселона"га қарши беллашув олдидан рақиб борасидаги фикрлари билан ўртоқлашди.

"Хави бош мураббий этиб тайинлангач, "Барса"да нималар ўзгарганини аниқ айта олмайман. Сўнгги пайтларда уларнинг у қадар кўп ўйинини томоша қила олмадим, бошқа ишларим бор – масалан, ўзимизнинг учрашувларни томоша қилиш.

Бироқ мен уларни яхши биламан. Жамоа сафида сифатли ўйин кўрсата оладиган йигитлар жамланган", – деди Кроос.

Эслатиб ўтамиз, "Барселона" – "Реал" беллашуви бугун тунда Саудия Арабистонида бўлиб ўтади ва Тошкент вақти билан 23:59да старт олади.