Эдгар Гесс: "Ўйин дурангга мос эди"

- Ўйин дурангга мос эди. Гол ўтказиб юборгунимизга қадар йигитлар ҳаммасини тўғри бажаришаётганди. Бугун ким битта тўп киритса, ўша жамоа ғалаба қозонарди. Гол кутилмаган ҳолатда дарвозамизга киритилди. Биргина ана шу вазиятни инобатга олмаганда биз учун ҳаммаси яхши кетаётганди. Яна такрорлайман, дуранг натижаси қайд этилганда ҳаққоний бўларди. Ягона гол ўйин тақдирини ҳал қилди. Иккала жамоа ҳам очко олиш учун майдонга тушганди ва ўйин шунга яраша кечди. Ўйлайманки, бугунги баҳс мухлисларга ёқди.

- Рустам Аъзамовни асосий таркиб рўйхатига киритгандингиз. Лекин сўнгги сонияларда у майдонга тушмайдиган бўлди. Бунга сабаб нима?

- Ҳа, уни дастлабки дақиқалардан ўйнашини хоҳлагандик. Аммо учрашув бошланиши арафасида Рустам оёғи оғриётганини айтди. Шунинг учун уни таркибдан чиқаришга мажбур бўлдик. Шунингдек,Санжар Асқаралиев ҳам кутилмаганда бетоб бўлиб қолди. Шу сабабли майдонга туша олмади. Соғлиғи яхши бўлмагани учун Асқаралиевни майдонга тушириб таваккал қилишни хоҳламадик. Аъзамов ва Асқаралиевни бугун йўқлиги билинди ёки билинмади дейишим қийин. Бундай ўйинларда бир-иккита футболчи эмас жамоавий ўйин муҳим ўрин тутади. Учрашув тақдирини ҳал қилган голни ўтказиб юбормаганимизда ўйин дуранг билан якунланарди.