Эдегор: “Зиданнинг “Реал”га қайтгани ажойиб янгилик”

“Ўйлашимча, бу жуда яхши янгилик. Илгари у клуб билан улкан муваффақиятларга эришган ва “Реал” футболчиларини жуда яхши билади. Зидан “Кастильо”ни бошқарган вақтидан буён у билан яхши муносабатдамиз. Унинг “Реал”га қайтиши жуда яхши ҳолат”, дея футболчининг сўзларидан иқтибос келтирмоқда Football Espana.

Эдегор 2018 йилда  “Витесс”га ижарага берилганди. Жорий мавсумда норвегиялик футболчи жорий мавсумда Голландия чемпионатида 23 та беллашувда майдонга чиқиб, 5 та гол урди ва 6 та голга ассистентлик қилди.