ЕЧЛ. Бешинчи турда қайси клублар кейинги босқчига чиқиши мумкин?

Плей-оффга чиқиб бўлганлар: "Арсенал", "Пари Сен-Жермен", "Атлетико", "Бавария", "Боруссия" Дортмунд
Бешинчи турда плей-оффга чиқиши мумкин: "Бенфика", "Наполи", "Бешиктош", "Барселона", "Манчестер Сити", "Монако", "Байер", "Реал", "Лестер", "Порту", "Севилья", "Ювентус"
Имкониятни йўқотганлар: "Лудогорец", "Базель", ПСВ, "Ростов", "Брюгге", "Динамо" Загреб, "Легия"

Гуруҳлардаги вазиятлар:

Ушбу мақоладаги рақамлар УЕФА томонидан тақдим этилган.

Сешанба, 22 ноябрь: ЦСКА - "Байер" учрашуви Тошкент вақти билан соат 22:00да, қолган ўйинлар 00:45да бошланади

"E" гуруҳи: ЦСКА (2 очко) - "Байер" (6), "Монако" (8) - "Тоттенхэм" (4)

"Монако" плей-оффга чиқиши учун дуранг етади. Монегасклар агар бугун ютишса ва "Байер" юта олмаса гуруҳда биринчи бўлишади.
"Байер" бугун мағлуб бўлмаса ва "Тоттенхэм" ютқазса 1/8 финалга чиқади.
ЦСКА гуруҳдан чиқиш имкониятини сақлаб қолиши учун бугун ғалаба қозониши шарт.

"F" гуруҳи: "Боруссия" Дортмунд (10, чиқиб бўлган) - "Легия" (1), "Спортинг" (3) - "Реал" (8)

"Боруссия" ғалаба қозонса ва "Реал" очко йўқотса гуруҳда биринчи ўринни нақд қилади.
"Реал" 1/8 финалга чиқиши учун дуранг етади, "Спортинг" эса плей-оффга чиқиш имкониятини йўқотади.


"G" гуруҳи: "Копенгаген" (5) - "Порту" (7), "Лестер" (10) - "Брюгге" (0)

"Лестер" 1/8 финалга чиқиши учун дуранг ёки "Копенгаген"нинг мағлубияти етарли бўлади.
"Порту" ғалаба қозонса 1/8 финалга йўл олади.
Учинчи ўрин учун имкониятни сақлаб қолиши учун "Брюгге" ўзи ғалаба қозониши ва "Копенгаген" ютмаслигини кутади.

"H" гуруҳи: "Севилья" (10) - "Ювентус" (8), "Динамо" Загреб (0) - "Лион" (4)

"Севилья" 1/8 финалга чиқиши учун дуранг етарли. Ғалаба биринчи ўринни нақд қилади.
"Ювентус" ғалаба қозонса 1/8 финалга чиқади, ёки "Лион" очко йўқотса.
"Лион" дуранг ўйнаса учинчи ўринни нақд қилади. "Динамо" учинчи ўринга имкониятни сақлаб қолиш учун ютиши керак.


Чоршанба, 23 ноябрь: "Ростов" - "Бавария" учрашуви 22:00да бошланади, "Бешиктош" - "Бенфика" учрашуви 22:45да бошланади, қолган ўйинлар 00:45да бошланади.


"A" гуруҳи: "Арсенал" (10, чиқиб бўлди) - "Пари Сен-Жермен" (10, чиқиб бўлди), "Лудогорец" (1) - "Базель" (1)

Лондондаги ўйин ғолиби биринчи ўринни нақд қилади. Биринчи ўйин 1:1 ҳисобида тугаган.
Софиядаги баҳс ғолиби учинчи ўринни нақд қилади. Биринчи баҳс 1:1 ҳисобида якунланган.

"B" гуруҳи: "Бешиктош" (6) - "Бенфика" (7), "Наполи" (7) - "Динамо" Киев (1)

"Бенфика" ғалаба қозонса плей-оффга чиқади.
Агар "Бенфика" ютса, "Наполи" ҳам ўзи ғалаба қозонса кейинги босқчига чиқади.
"Бешиктош" ўзи ютса ва "Наполи" 3 очко ололмаса плей-оффга чиқади.
"Динамо" агар ўзи ғалаба қозониб "Бешиктош" очко йўқотса имкониятни сақлаб қолади. Мағлубият ва дуранг Киев клубини 3-ўриндан ҳам мосуво қилади.


"C" гуруҳи: "Селтик" (2) - "Барселона" (9), "Боруссия" Менхенгладбах (4) - "Манчестер Сити" (7)

"Барселона" ғалаба қозонса 1/8 финалга чиқади. Агар "Манчестер Сити" ютқазаса Каталония клубига дуранг ҳам етади. "Барса" агар ўзи ютса ва "Сити" уч очко олмаса биринчи ўринни нақд қилади.
"Сити" ғалаба қозонса плей-оффга чиқади.
"Боруссия" дуранг ўйнса ва "Селтик" ютқазса Германия клуби учинчи ўринни нақд қилади.
Плей-оффга имкониятни сақлаб қолиш учун "Селтик" ғалаба қозониши ва "Сити" ютмаслигини кутиши керак. Агар "кельтлар" бу турда Менхенгладбах клубидан кам очко олишса охирги поғонадан кўтарила олишмайди.

"D" гуруҳи: "Ростов" (1) - "Бавария" (9, чиқиб бўлди), "Атлетико" (12, чиқиб бўлди) - ПСВ (1)

"Бавария" ва "Атлетико" плей-оффга чиқди. Агар мадридликлар бу турда "Бавария"дан кўп очко олишса биринчи ўринни нақд қилишади.
Учинчи ўрин тақдири сўнгги турда ПСВ - "Ростов" ўйинидан кейин маълум бўлади. Биринчи ўйинда бу клублар дуранг ўйнашганди - 2:2. Бешинчи турда қандай натижа қайд этилса ҳам улар орасидаги фарқ 3тадан ошмайди.