ЕЧЛ-2017/2018. Кариуснинг финалдаги қўпол хатолари Рамос сабаб юзага келган
16 apr 2020 00:10
News

ЕЧЛ-2017/2018. Кариуснинг финалдаги қўпол хатолари Рамос сабаб юзага келган

"Бешиктош"да фаолият юритаётган Лорис Кариус Чемпионлар лигасининг 2017/2018 йилги мавсуми финал учрашувида йўл қўйган хатоларини изоҳлади.

"Бу ўйин менга жуда кўп нарсани ўргатди. Серхио Рамоснинг бошимга берилган зарбасидан кейин миям чайқалди, бу менинг кўриш қобилятимни чеклаб қўйди. Бу изланишлар натижасида исботланган ҳолат. Мен бундан ҳеч қачон баҳона сифатида фойдаланишни истамаганман, лекин бошини жиддий жароҳатлаган инсоннинг масхара қилинишини тушунмайман", — деди Кариус Германиянинг "Bild" нашрига.

Эслатиб ўтамиз, 2017/2018 йилги мавсум ЕЧЛ финалида "Ливеврпуль" дарвозасини қўриқлаган Лорис Кариус иккита қўпол хатога йўл қўйган, якунда "Реал" ғалаба қозонганди (1:3). Ўша баҳсда Рамос Кариусга тирсаги билан зарба берган. Кейинроқ дарвозабоннинг мияси чайқалгани маълум бўлганди.

Эътиборли жиҳати шундаки, айнан ўша баҳсда Мерсисайд клуби етакчиси Муҳаммад Салоҳ ҳам Рамос иштирокидаги эпизоддан кейин жиддий жароҳат олиб, майдонни тарк этганди.

Link :

Source : Bild

Receive latest football news directly on your phone. Subscribe for our Telegram channel!

Rating: -6