Дунёнинг энг бой инсони "Ливерпул"ни сотиб оладими?

Дунёдаги энг бой инсон Илон Маскнинг отаси Эррол Маск ўғли "Ливерпуль"ни сотиб олишни истагида эканини айтди. Катта Маск Ливерпуль шаҳрида унинг узоқ қариндошлари яшаганини қўшимча қилди.

"Ўғлим [Илон Маск] "Ливерпуль"ни сотиб олишдан мамнун бўларди. Унинг бувиси Ливерпулдан. Бизнинг оиламиз ўша ердан бўлган, улар Битлз гуруҳи билан бирга катта бўлишган", -дейди Эррол Маск.

Forbes талқинига кўра, Илон Маскнинг айни дамдаги бойлигининг таҳминий қиймати 415.6 миллиард долларни ташкил қилади. "Ливерпуль" клуби эса таҳминан 4.5-5 млрд долларга баҳоланади.