Достон Ибрагимов: "Бизда Олимпиадага чиқиш учун жуда яхши имконият бор"
19 jan 2020 21:34
News

Достон Ибрагимов: "Бизда Олимпиадага чиқиш учун жуда яхши имконият бор"

U-23 Осиё чемпионати чорак финали доирасидаги БАА - Ўзбекистон (1:5) учрашувидан кейин Достон Ибрагимов микст зонада ўз фикрларини билдирди.

"Ўйин осон бўлмаслигини билгандик. Ким кўпроқ тўп билан ҳаракат қилса ўша жамоа ютишини билардик. Барча йигитлар ўз вазифасини аъло даражада бажаришди ва ғалаба қозондик. Ҳисоб йирик кўриниш олган бўлса-да осон бўлмади.

Бизда Олимпиадага чиқиш учун жуда яхши имконият бор. Саудия Арабистони билан ўйинга яхши тайёрланиб тарих яратишга ҳаракат қиламиз", - деди Достон Ибрагимов.

Акрамжон Мамадалиев ёзиб олди