Доннарумма: "Гуруҳда иккинчи бўлганимизни фақат ўйин якунланганидан кейин билдим"

ПСЖ сўнгги турда "Ювентус"ни 2:1 ҳисобида мағлуб этди, аммо якунда иккинчи ўринга тушиб кетди. Гап шундаки, “Бенфика” “Маккаби”ни 6:1 ҳисобида мағлуб этди. Натижада, ПСЖ ва "Бенфика"нинг натижалари бир хил бўлди (ўзаро учрашувларда иккита дуранг, тўплар нисбати — 16:7), аммо меҳмонда урилган голлар сони бўйича Лиссабон клуби юқоридан жой олди.

"Тўғрисини айтсам, гуруҳда иккинчи бўлганимизни фақат ўйин якунланганидан кейин билдим. Афсуски, шундай бўлиб қолди. 1/8 финалда ким билан тўқнаш келишимиздан қатъий назар, ажойиб ўйин бўлишига ишонаман”, – деди Доннарумма.