"Динамо"ни тарк этганлар бор
17 dec 2013 17:28
News

"Динамо"ни тарк этганлар бор

Равшан Ҳайдаров бошқарувидаги "Динамо" 22 декабрь куни ўқув-йиғин машғулотларини ўз қароргоҳида бошлайди.

Бу йил жамоа учун тўп сурган айрим футболчилар энди келаси мавсумда "Динамо"да ўйнамайдиган бўлди.

Олинган маълумотларга кўра, Омад Тойлоқов, Темур Дадашев ҳамда Тўлқин Мирзаевнинг клуб билан тузган шартномаси ўз кучини йўқотган. Шу боис самарқандликлар энди бу футболчилар билан битимни узайтирмасликка қарор қилди. Шунингдек ижара асосида ўйнаган ҳимоячи Нодир Саноқулов ҳам ўз жамоаси бўлмиш "Насаф"га қайтиб кетган.

Кетган ўрнини тўлдириш мақсадида мураббийлар айни пайтда бир қатор ўйинчилар билан музокара ўтказмоқда. Янги футболчиларнинг келиши катта эхтимол билан январ ойидан бошланади.

Link :

Source : championat.asia

Receive latest football news directly on your phone. Subscribe for our Telegram channel!

Rating: