“Динамо”да ҳозирча ҳаммаси мавҳум

Олий лига аутсайдери ПФЛ регламентга кўра келаси йилни биринчи лигада ўтказади. Аммо айтишларича “Динамо” мавсум-2016ни яна кучлилар сафида ўтказишга умид қилмоқда. Футболчилар билан суҳбатлашганимизда, ҳозирча ҳеч нарса маълум эмаслигини айтиб, раҳбарият ёки мураббийлар штаби томонидан йиғин қачонданлиги хусусида ҳеч қанақа гап айтилмаганини таъкидлашмоқда.

Бош мураббий Баҳром Ҳакимов ҳам айни дамда Қўқонда, уйида дам оляпти. Катта эхтимол билан Баҳром Мамажонович самарқандликлар билан хайрлашади.

Шунингдек асосий таркибнинг бир қатор футболчиларига бугунги кунда олий лиганинг айрим жамоаларидан қизиқиш бўлмоқда. Ҳимоячи Ильдар Маматказиннинг шартномаси тугаб бормоқда. Шунингдек Артём Филипосян, Дилшод Шарофетдинов, Илҳом Юнусов, Камолиддин Мурзоев ва Отабек Зокиров ҳам келаси мавсумни бошқа клубда ўтказишга яқин турибди. Агарда жамоа ҳақиқатдан ҳам 2016 йилни биринчи лигада ўтказадиган бўлса, таркиб деярли янгитдан тузилишини таҳмин қилса бўлади.

Юқорида айтиб ўтганимиздек, “Динамо”ни қачондан йиғинга киришиши маълум эмас.