Дилявер Ваниев: "Натижани адолатли деб бўлмайди. Кимдир ютиши керак эди"

- Учрашув Про-лиганинг марказий ўйини бўла олди. Майдондаги футболчилар тезкор ва жанговар ўйин намойиш қилди. Умуман олганда икки жанговар жамоа ўзаро тўқнаш келди. Натижа... Иккала жамоада ҳам яхши вазиятлар бўлди. Натижани адолатли дея олмайман. Кимдир ғалаба қозонса бўларди. Барчасини борича қабул қиламиз. 0:0. Олдинга интилишда давом этамиз.

- Ушбу икки жамоа мавсумолди йиғинларда ҳам ўзаро синов-назорат учрашуви ўтказганди. Ўшанда ҳам жамоалар кам вазиятларга эга бўлишганди. Бу икки жамоанинг ўйин сифати айнан шундай эканлигидан далолатми?

- Бугун зерикарли ўйин бўлди деб ҳисоблайсизми? 

- Шунчаки кам вазият юзага келтирилди.

- Бундай ўйинларда вазиятлар кўп бўлмайди. Ўйин олдидан гол ўтказиб юбормасликни ва ҳимояда мустаҳкам ўйнашни мақсад қилгандик. Мавсумолди назорат ўйинларида эса биз асосий таркибни аниқлаётгандик. Назорат ўйини ва расмий ўйинни ўзаро солиштириб бўлмайди. Бугун ҳимояда жуда масъулиятли ўйнашга ҳаракат қилдик. Шундай ҳам белгиланган даражада ўйин ўхшади. "Локомотив"нинг сўнгги икки ўйинини кузатиб чиқдик. Барчанинг хатолари бор. Биз ҳам хатоларни тўғрилашга ҳаракат қиламиз.