Дилшод Раҳматуллаев Мюнхенда
22 jul 2016 00:26
News

Дилшод Раҳматуллаев Мюнхенда

Қаршининг "Насаф" жамоаси ярим ҳимоячиси Дилшод Раҳматуллаев жароҳати боис иккинчи даврани ўтказиб юбориши мумкин.

Дилшод Раҳматуллаев тиззасидан олган жароҳати туфайли айни пайтда Германиянинг Мюнхен шаҳрида бўлиб турибди. Бугун футболчининг тиззаси операция қилинади.

Раҳматуллаев катта эҳтимол билан иккинчи давра ўйинларида жамоасига ёрдам бера олмаслиги мумкин.

Чунки Раҳматуллаев жароҳатидан 3-4 ой муддат ичида тўлиқ тикланиши тахмин қилинмоқда.

Ушбу жароҳат машғулотлардаги ортиқча зўриқиш натижасида келиб чиқади. Яна жамоаларда футболчиларга витаминизация берилмаслиги учун ҳам айни пайтда олий лига футболчиларида бу каби жароҳатлар кўпайиб кетмоқда.

Айнан шу жароҳат туфайли "Насаф"нинг яна бир собиқ аъзоси Ҳамза Каримов ҳам Мюнхенда операция қилинганди ва "Қизилқум"нинг янги футболчисига айланган Каримов кўп муддат сафдан чиққанди.