Дилшод Жўраев: “Олмалиқ” жамоасининг натижалари ҳозирча ёмонмас, қолганини вақт кўрсатади”

“Металлург” жамоасига қарши учрашув мухлисларга ёқадиган ҳужумкор ўйин бўлди. Бу йилги дерби аввалгиларига қараганда бошқача рухда ўтди. “Металлург” хурматга лойиқ жамоа. Рақибларимиз биринчи бўлимда жуда яхши ўйин кўрсатишди. Иккинчи бўлимда эса биз ўз ўйинимизни намойиш этдик ва хақли равишда ғалаба қозондик. Тартибли ҳимоя ва тартибли ҳужум эвазига “Металлург”ни мағлубиятга учратдик. Ҳар бир жамоада кўтарилиш ва пасайиш даври бўлади. Фикримча “Металлург” жамоаси ушбу вазиятдан чиқиб кетади ва ўйин услубига эга бўлади. “Олмалиқ” жамоасининг натижалари ҳозирча ёмонмас, қолганини вақт кўрсатади”, - дейди “Олмалиқ” клуби футболчиси Дилшод Жўраев.

Жаҳонгир Сотволдиеев ёзиб олди