Дилшод Жўраев: “Футболда мағлубият ва ғалаба ёнма-ён юради”

Унда Андижоннинг “Андижон” жамоаси ўз уйида Бухоронинг “Бухоро” клубини қабул қилиб йирик ҳисобда мағлубиятга учради. Ушбу учрашувдан сўнг “Андижон” клуби футболчиси Дилшод Жўраев ўз фикрлари билан ўртоқлашди.

“Кеча “Бухоро” клуби анча мазмунли футбол намойиш этди. Биз мухлисларимиз кўз олдида ҳужумкор футболни намойиш этмоқчи бўлдик, аммо рақибларимиз бизни қарши ҳужумда жазолаб кетди. Аввалига йўл қўйган қўпол хатоларимиз эвазига ўз дарвозамиздан 2та тўп олиб чиқдик. Шундай бўлсада ҳужумларни асло сусайтирмадик ва янада катта куч билан олдинга ўтдик. Ҳисобни қисқартирган бўлсакда яна ўша қўпол хатолар туфайли рақибларимиз яна икки бор дарвозамизни ишғол қилди.  

Бу футбол. Футболда мағлубият ва ғалаба ёнма-ён юради. Баҳсдан сўнг кийим алмаштириш хонасида ҳам биринчи бўлиб мухлисларимиз ҳақида ўйладик. “Пахтакор”ни мағлуб этганимиздан сўнг ўз уйимизда иккита аламли мағлубиятни қабул қилиб олдик. Биз янгиланган таркиб билан ўйнаяпмиз. Бир сафар яхши ўйин ўтказсак бошқа сафар ёмон ўйин ўтказяпмиз жамоада барқарорлик йўқ. Кечаги мағлубият учун мухлисларимиздан узр сўрайман”, - дейди “Андижон” клуби футболчиси Дилшод Жўраев.

Жаҳонгир Сотволдиев