Диего Симеоне АПЛда иш бошлаши мумкин

Хабарларга кўра, Лондон клуби "Атлетико" бош мураббийи Диего Симеонени жамоага таклиф этиши мумкин. "Челси"ни ҳозирда Фрэнк Лэмпард бошқариб бормоқда.

Мавсум Симеоне учун омадсиз кечмоқда. Мадридликлар Ла Лигада 24 турдан сўнг 40 очко тўплаган ҳолда жадвалнинг тўртинчи ўрнида боришмоқда. Пешқадам "Реал" билан орадаги фарқ 12 очкони ташкил этади. Бундан ташқари "қаймоқранглилар"да битта захира ўйини бор.

Олдинроқ ҳам "Челси" Симеонега қизиқиш билдирган эди. Аммо, Лондон клуби мутахассисни инглиз тилини яхши билмаслиги ва Симеоненинг ўзи ҳам "Атлетико"да қолишни афзал билгани сабаб аргентиналик "Челси"га ўтмаган эди. Бундан ташқари, мавсум якунлангандан сўнг ҳам Симеоненинг "Атлетико"дан кетиши истисно қилинмаяпти.

Эслатиб ўтамиз, Диего Симеоне дунёдаги энг катта маош олувчи мураббий саналади.