Диего Коста: "Вақт ҳаммасини ўз жойига қўйди. Қаранг, Конте ҳозир қаерда"
29 sep 2018 14:51
News

Диего Коста: "Вақт ҳаммасини ўз жойига қўйди. Қаранг, Конте ҳозир қаерда"

Антонио Конте билан келишмовчилик туфайли "Челси"ни тарк этган "Атлетико" ҳужумчиси Диего Коста ушбу вазият ҳақида гапириб берди.

"Челси"да ёқимсиз дамлар бўлган, аммо бу менинг айбим эмас. Бу ҳақида кўп гаплар эшитдим, бироқ вақт ҳаммасини ўз жойига қўйди. Қаранг, Конте ҳозир қаерда.

"Челси"га ўтиб хато қилдим. Чоло (Диего Симеоне) алдамайди. Унга нимадир ёқмаса ҳаммасини юзингизга айтади. Лондон клубида эса ҳаммаси тескари бўлган. Англия чемпиони бўлдик ва бу воқеадан сўнг Конте мени жамоада кўришни истамаётганлиги ҳақида хабар юборди.

"Атлетико"га қайтиш имкониятим бор эди, аммо менга ёшлар жамоаси билан шуғулланишим кераклигини айтишди.

Агар "Атлетико"да ҳам ишларим юришмаганида, оилам билан Бразилияда қолган бўлардим. Баъзи нарсаларни пулга сотиб ололмайсан" - дейди Коста.

Link :

Source : Marca

Receive latest football news directly on your phone. Subscribe for our Telegram channel!

Rating: +12