Дибала ЖЧ олтин медалини "Рома" музейига совға қилди
07 jan 2023 16:10
News

Дибала ЖЧ олтин медалини "Рома" музейига совға қилди

Аргентина терма жамоаси ва "Рома" клуби ҳужумчиси Пауло Дибала Жаҳон чемпионати медалини ўз клуби музейига тақдим этди.

29 ёшли футболчи Қатардаги мундиалда атиги иккита ўйинда майдонда кўриниш берди. У "гол+пас" тизимида ҳеч қандай очко тўплай олмади. Турнир аввалида Пауло жароҳатидан фориғ бўлаётган эди.

Дибала жорий мавсум бошида Рим клуби аъзосига айланган эди. У 2022 йилнинг июль ойида А Серия вакили билан шартнома имзолаган эди. Бунгача Дибала Туриннинг "Ювентус" клубида 7 йил ҳаракатланди.

Дибала ушбу мавсумда "Рома" сафида 13 та ўйинда иштирок этди ва 7 та гол урди, унинг ҳисобида яна 3 та голли узатма ҳам мавжуд.

Link :

Source : Roma Press

Receive latest football news directly on your phone. Subscribe for our Telegram channel!

Rating: +8