Деян Болевич "Насаф" сафида дебют ўйинида гол урди

Дубайдаги “Жебел Али” меҳмонхонасига қарашли футбол майдонида ўтказилган баҳснинг биринчи бўлимида ҳисоб очилмади. Иккинчи бўлимнинг 64-дақиқасига келиб вакилларимиз ҳисобни очишди. Жамоамиз таркибида кўрикдан ўтаётган черногориялик ҳимоячи Деян Болевич ўнг қанотдан Шуҳрат Муҳаммадиев узатиб берган тўпни чап оёқда кучли зарбаси билан дарвозанинг узоқ пастки бурчагига аниқ йўллади – 1:0. Орадан икки дақиқа ўтиб ўйинда ҳисоб тенглашди. Хитойлик футболчилар ўнг қанотдан ташкил этган ҳужумни самарали якунлашди. Ўйин охирига қадар вакилларимиз бир неча бор рақиб дарвозаси олдида хавфли ҳужумларни ташкил этишди. Аммо ҳал қилувчи зарбалар мўлжалга аниқ етиб бормади.

Ушбу учрашувни жамоамиз қуйидаги таркибда ўтказди: Санжар Қувватов, Шуҳрат Муҳаммадиев, Мақсуд Каримов, Шерзод Аъзамов, Деян Болевич (Шароф Муҳиддинов, 80), Эркин Бойдуллаев (с), Дилшод Раҳматуллаев, Азиз Ғаниев (Ислом Рашидхонов, 80), Баҳром Абдураҳимов, Илҳом Шомуродов, Бобур Абдуҳолиқов (Дониёр Нарзуллаев, 70).

“Насаф” футболчилари йиғин доирасида учинчи назорат баҳсини 5 февраль санасида Россиянинг “Крилья Советов” жамоасига қарши ўтказади.