Депайнинг агенти "Барселона" билан футболчининг келажагини ҳал қилди
29 jun 2022 22:19
News

Депайнинг агенти "Барселона" билан футболчининг келажагини ҳал қилди

"Барселона" ҳужумчиси Мемфис Депайнинг агенти шу ҳафта каталонияликлар клуби раҳбарияти билан музокаралар олиб борди ва нидерландиялик футболчининг келажаги ҳақида гаплашди.

"Барселона" Депай билан келаси ёзда тугайдиган шартномасини узайтирмасликка қарор қилди. Футболчининг ўзи эса фаолиятини Каталонияда давом эттиришни хоҳлайди.

Олдинроқ испан клуби 28 ёшли ҳужумчини ёзда камида 20 миллион еврога сотиш ниятида экани ҳақида хабар берилганди.

Депай ўтган мавсум "кўк-анорранглилар" сафида 38 та ўйинда майдонга тушиб, 13 та гол урди ва 2 та голга ассистентлик қилди.

Transfermarkt портали Нидерландия терма жамоаси футболчисини 35 миллион еврога баҳоламоқда.

Link :

Source : Marca

Receive latest football news directly on your phone. Subscribe for our Telegram channel!

Rating: