Деле Алли 100та ўйинда Азар натижасини такрорлади
03 apr 2018 11:44
News

Деле Алли 100та ўйинда Азар натижасини такрорлади

"Тоттенхэм" ярим ҳимоячиси Деле Алли "Челси"га қарши Англия Премьер-лигасининг 32-тур учрашувида (3:1) дублга эришди.

Бу баҳс Алли учун Премьер-лигадаги 100 ўйин бўлди. Ярим ҳимоячи ушбу учрашувлар давомида 36та гол уриб, 25та голли пас беришга эришди. Буни қарангки, АПЛнинг энг кучли футболчиларидан бири Эден Азар ҳам чемпионатдаги 100та учрашувида гол+пас тизими бўйича Алли билан тенг натижа қайд этган (35та гол, 26та голли пас=61).

"Манчестер Юнайтед" собиқ ярим ҳимоячиси Дэвид Бекхэм эса Англия чемпионатида ўтказган илк 100та ўйинида 21та гол уриб, 22 марта ассистентлик қилишга муваффақ бўлган.