Дежавю: Бугун Римда Туриндаги ҳолат такрорланиши мумкин
02 mar 2021 22:00
News

Дежавю: Бугун Римда Туриндаги ҳолат такрорланиши мумкин

Аввалроқ, Италия футбол федерацияси президенти Габриэле Гравина А Серия 25-туридан ўрин олган “Лацио” – “Торино” баҳси меҳмонлар коронавирус билан боғлиқ ҳолатлар ортгани туфайли ўтказилмаслигини айтганди.

Бироқ, Лига Кенгаши бугунги учрашувни белгиланган вақтда ўтказишга қарор қилди, дея хабар беради Football Italia. “Торино” навбатдаги тестдан ўтиши керак, шу туфайли ҳалигача Римга етиб келмади. Турин ҳокимияти ҳам ҳозирча жамоага шаҳардан чиқиб кетишига рухсат бермади. “Буқалар” 23 февраль куни машғулотларни тўхтатган ва жамоада COVID-19 билан касалланганлар 8 нафарни ташкил этмоқда.

Шу каби ҳолат 3-тур доирасида “Ювентус” – “Наполи” учрашувида юз берганди. Неапол ҳокимияти “Наполи”га шаҳарни тарк этишни тақиқлаганди, аммо Лига раҳбарияти мазкур учрашувни бошқа кунга кўчирмади ва неаполликларга 0:3 ҳисобидаги техник мағлубият ёздирган эди. Қайд этиш жоиз, "Юве" ўшанда учрашув учун асосий таркибни эълон қилиб, футболчилар ва клуб ходимлари билан бирга ўйин бўйича расмий қарорни маълум муддат майдонда кутганди.

Кейинчалик эса “Наполи” баҳсни такрорий ўтказиш бўйича апелляция бериб, унда ғолиб чиқди. Ушбу ўйин 17 март куни ўтиши режалаштирилган.

Lazio

Serie A . Round 25

19/05/2021, 00:30

Finished

Torino

Stadium: Stadio Olimpico, Rome, 0 spectators

Referee: Michael Fabbri

45'

90'