Де Паул ҳам Мессининг ёнига боради. "Атлетико" ва "Интер Майами" келишиб олишди

Родриго Де Паул "Интер Майами"да Лионель Месси билан бир жамоада ўйнайди.

Фабрицио Романонинг маълум қилишича, "Атлетико" Флорида штатидаги клубнинг таклифини қабул қилган. Битим деярли якунига етган бўлиб, ҳозирда томонлар келишувнинг сўнгги тафсилотларини муҳокама қилмоқда. Де Паул "Интер Майами" билан 4 йиллик шартнома тузади.

Аргентиналик ярим ҳимоячи 2021/22 йилги мавсумдан буён "Атлетико" сафида тўп суриб келмоқда. У ўтган мавсум Ла Лига доирасида 34 та ўйинда иштирок этиб, 3 та гол урган ва 5 та гол узатмасини берган.