Де Лигт "Торино"га қарши баҳс ҳақида: "Бу пенальти эмас, қўлим пастда эди"

"Жуда хурсандман. Ғалаба жуда муҳим эди, чунки "Интер" ҳам зафар қучди. 1:0 ҳисобида ғалабага эришдик, мен гол урдим, шу сабабли баҳс камина учун ўзгача ўтди.

Ўз жарима майдончамиз ичидаги вазиятга тўхталсак. Мен шунчаки тургандим ва тўп мени топди. 11 метрлик жарима бўлмаслигини тезда тушундим, чунки қўлим пастда эди. Қоида бўйича, бу пенальти эмас.

Янги жамоага келсанг қийналишинг аниқ. Мен билан ҳаммаси жойида, йигитлар мени яхши кутиб олишди ва ўйиндан-ўйинга ўсиб боряпман.

Жамоага фойда келтира олишимни кўрсатдим деб ўйлайман. Игуаин ажойиб голли пас берди ва жуда хурсандман" - дейди де Лигт.