Де Брюйне: "Мен ортиқ футбол қоидаларини билмайман"

Гол Габриэль Жезуснинг қўл билан ўйнагани сабаб бекор қилинди.

"Тўғрисини айтганда, мен ортиқ футбол қоидаларини билмайман. Мен агар тўп қўлнинг юқори қисмига тегса, қўл билан ўйин бўлмаслигини билардим. Мен қоидани билмайман. Эртага ёки индин куни қандайдир каналда рефери чиқиб олиб, ҳакам ҳақ эканлини айтади, шундай экан менинг гапларим аҳамиятсиз.

Мен профессионал футболда 12 йилдан бери ўйнайман. Дастлабки 10 йилда ҳеч қандай қоида ўзгармади, ҳозир эса барчаси ўзгариб кетди. Нега эканлигини билмайман. Футбол - ажойиб ўйин. Қоидаларга ўзгартириш киритаётган инсонлар ўйин ичида бўлишлари керак", - дейди де Брюйне.

Эслатиб ўтамиз, "Манчестер Сити" "Тоттенхэм"га 0:2 ҳисобида ютқазди.