Давронбек Каримқулов: "Кучли рақиб билан дуранг ғалаба дегани"
18 jun 2016 13:50
News
![](https://championat.asia/upload/storage/204752_original.jpg)
![](/upload/storage/204752_220.jpg)
Давронбек Каримқулов: "Кучли рақиб билан дуранг ғалаба дегани"
“Металлург” – “Бунёдкор” жамоалари учрашувидан кейин бекободликлар вакили Давронбек Каримқулов ўз фикрларини билдириб ўтди.
“Бунёдкор” билан учрашувга тайёргарлик жараёнида биз рақибнинг бир қатор ўйинларини кузатдик, жамоа ўйинидаги заиф жиҳатларни имкон даражасида ўргандик. Мураббийларимиз барча чизиқ вакиллари билан алоҳида суҳбатлашиб, керакли кўрсатмаларни беришганди. Ўйин давомида жамоадошларим ўз олдиларидаги вазифаларни тўлиқ уддалашди, деб ўйлайман. Омадимиз чопганида бугун тўлиқ уч очколик ҳам бўлардик. Афсуски, “Бунёдкор”нинг жавоб голини киритган қарши ҳужуми чоғида икки ўйинчимизнинг жароҳатланиб, қолиб кетиши ҳам бизга қимматга тушди. Ўйин курашларга, эҳтиросларга бой бўлди. Учрашув давомида баъзан қизиққонликка берилиб кетган бўлсак, буни ўйиннинг катта аҳамият касб этганлигига йўярсизлар, деб умид қиламан. “Бунёдкор”дек кучли рақибга қарши ўйинда қўлга киритилган очко биз учун ғалабага тенг. Ўйиндан кейин клуб раҳбарияти жамоамиз кийиниш хонасига кириб, барчага миннатдорчилик билдирди. Кейинги ўйинларда омад тилади. Олдинда бизни ҳали яна қийин ўйинлар кутиб турибди. Насиб бўлса, қолган учрашувларда ҳам бор куч ва маҳоратимизни ишга солиб, ишқибозларимизни хурсанд этишга ҳаракат қиламиз, дейди Давронбек Каримқулов.
"Металлург" матбуот хизмати
"Металлург" матбуот хизмати
Link :
Source : championat.asia
Receive latest football news directly on your phone. Subscribe for our Telegram channel!
Similar news
![AMP Logo](https://championat.asia/image/logo-amp.png)
Comments